Untitled Document
Untitled Document
Myanmar Catholic Church
CBCM
Untitled Document

ဗာတီကန်တွင် ကျင်းပလျက်ရှိသော ၁၅ ကြိမ်မြောက် ဆရာတော်ကြီးများ ညီလာခံတွင် ပါဝင် တက်ရောက်နေသော ကာဒီနယ် ချားလ်စ်ဘိုနှင့် ဆရာတော် ဖရန်စစ် ဒေါတန်တို့မှ ပေးပို့သောစာ

ဗာတီကန်
၁၂ ရက် အောက်တိုဘာ ၂၀၁၈
ချစ်ခင်လေးစားရပါသော မြန်မာပြည်မှ လူငယ်မောင်မယ် သားသမီးအပေါင်းတို့
၁၅ ကြိမ်မြောက် ကက်သလစ်ဆရာတော်ကြီးများရဲ့ ညီလာခံ၌ ပါဝင်ရင်း ရောမမြို့ ဗာတီကန်မှ နှုတ်ခွန်း ဆက်သလိုက်ပါတယ်။ အားလုံးသိပြီးဖြစ်တဲ့အတိုင်း ယခု ကျင်းပနေတဲ့ ညီလာခံဟာ “လူငယ်များရဲ့ ဘဝအသက်တာ” နဲ့ သက်ဆိုင်တဲ့ အကြောင်းအရာများကို ဆွေးနွေးနေကြတာ ဖြစ်ပါတယ်။ နိုင်ငံတကာမှ ကိုယ်စား လှယ်တော်များ ပါဝင်တက်ရောက် ကြပါတယ်။ ထူးခြားချက်ကတော့ ကျွန်ုပ်တို့ရဲ့ အိမ်နီးချင်း တရုတ်နိုင်ငံမှ ဆရာတော်နှစ်ပါး ဒီလိုညီလာခံမျိုးမှာ ပထမဦးဆုံးအနေနဲ့ ပါဝင် တက်ရောက်ကြခြင်း ဖြစ်ပါတယ်။
ယခုအချိန်မှာ ညီလာခံဟာ ထက်ဝက်နီးပါး ပြုလုပ်ပြီးပါပြီ။ ညီလာခံမှာ ပါဝင်သူအား လုံး ဝမ်းသာကြတယ်၊ အားရ ကြတယ်။ ပုပ်ရဟန်းမင်းကြီး အရှင်သူမြတ် နှင့်အတူ ကာဒီနယ်ကြီးများ၊ ဆရာတော်ကြီးများ၊ ဘုန်းတော်ကြီးနဲ့ သူတော်စင်များ၊ လူငယ်များ အားလုံးကိုယ်စီ ပြောနေကြတာက ဒီညီလာခံဟာ တမူထူးတယ်၊ ကက်သလစ် အသင်းတော်ထဲက လူငယ်များသာမက ဘာသာမရွေး လူမျိုးမရွေး လူငယ်တိုင်းအ တွက် အမှန်တကယ် အကျိုးရှိတယ်၊ လူငယ်များကို အမှန်တကယ် ပြောင်းလဲ ပေး နိုင်စွမ်းမယ့် ညီလာခံ တစ်ခု ဖြစ်တယ်လို့ မှတ်ယူကြတယ်။ လူငယ်များအတွက် သင့်တော်သော ရလဒ်ကောင်းများ ရရှိစေဖို့ ဆက်လက် ဆုတောင်းပေးကြဖို့ သတိ ပေးလိုက်ပါရစေ။
ကျွန်ုပ်တို့ကိုယ်တိုင်ခံစားရတဲ့ အချက်ကတော့ အသင်းတော်အနေနဲ့၊ နိုင်ငံတော် အနေနဲ့၊ လူကြီးမိဘများအနေနဲ့ လူငယ်များကို အရေးပေးသင့်သလောက် မပေးကြ ဘူး လို့ ခံစားမိတယ်။
မဟတ္တမဂန္ဓီ ပြောခဲ့သလို -
- လူငယ်များဟာ အသုံးမကျတာ မဟုတ်ဘူး
လူငယ်များကို အသုံးမပြုကြတာ။
- လူငယ်များဟာ မစဉ်းစားတတ်သူများ မဟုတ်ဘူး
လူငယ်များ စဉ်းစားတာကို နားလည်မပေးတာ
- လူငယ်များဟာ တော်လှန် ဆန့်ကျင်သူများမဟုတ်ဘူး
လူငယ်များဟာ အနာဂတ်ရဲ့ ပရောဖက်တွေ ဖြစ်နေတာ
မြန်မာပြည်လူငယ်များအတွက် တိုးတက်လမ်းများစွာ ကျွန်ုပ်တို့မြင်ပါတယ်။ ဘာသာ ရေးခေါင်းဆောင်များ၊ အစိုးရမင်းများ၊ လူကြီးမိဘများ၊ လူငယ်များ အားလုံးသော တိုင်းသူပြည်သားများ အားကိုးအားထားပြုနိုင်သည့် ပြန်လည်သင့်မြတ်သော နိုင်ငံ၊ စစ်မက်ကင်းပြီး ငြိမ်းချမ်းသော နိုင်ငံ၊ ဘက်စုံတိုးတက်ဖွံ့ဖြိုး မေတ္တာတရား လွှမ်းမိုး သော မြန်မာနိုင်ငံ ဖြစ်လာပါစေကြောင်း ဆန္ဒပြု ဆုတောင်းရင်း ...
ဆရာတော် ဖရန်စစ် ဒေါတန်                        ကာဒီနယ် ချားလ်စ်ဘို


2018-11-12 03:57:09
NEWS AND EVENTS